Denbora  8 ordu 13 minutu

Koordenatuak 1739

Fecha de subida 12 de mayo de 2018

Fecha de realización mayo 2018

-
-
2.659 m
1.515 m
0
2,7
5,5
10,96 km

Bisitak 980, kokapena 68

Nondik gertu Aragüés del Puerto, Aragón (España)

Gaurko txangoa Piriniotan barnekoa duzue. Lizarako aterpetik Bisaurin mendirako igoera zirkularra. Igoera Castilloneseko trokatik eta ondoren mendi-ertzatik tontorrera eta jaitsiera bide normaletik, hots, Foraton mendi-lepotik.

Maiatzean burutu dudan arren, elur asko topatu dut eta tenperatura estiak izanik, elurra ez zegoen guztiz hormaturik, horrek eragina izan du txangoa burutzeko denboran ere. Gainera eguna zoragarria izan denez eta eremua xarma handikoa izanik, denbora eman izan dut paisaietaz gozatzen, bakardadeaz baita isiltasunaz ere.

Teknikoki ez du zailtasun gehiegirik, mendi-ertzara iristeko korridore antzeko batetik egiten bai da, hala ere material teknikoa eramatea ezin bertzekoa izan da gaurkoan.

Halako mendietarako igotzeko garai hoberena ez dela agerikoa da, tontorra oso jende gutxik zapaldu du gaurkoan eta bide honetatik lau pertsona bertzerik ez gara igo. Horrek ere tontorrean bakarrik izateko beta eskaini dit.



Ibilbidea eta altimetria.









Goizean goiz Lizara aterpetko aparkalekura iritsi eta material guztia jantsi eta motxila prestatu ondoren ibiltzen hasi naiz.

Eguneko aurren argiak soilik mendi garaien tontorrak distiratzen dituzte.







 Bernera mendia



 Bisaurin mendi-ertza soilik eguzki izpiak jasotzen ditu oraindik







 Llana de Bozo aldera.



Lizarako lautadatik gorat egiten hasiko naiz, pistara iritsi arte. Bertan zutoin batek bide ezberdinak markatu egiten ditu. Arestian aipatu dudan bezala, nire gaurko bidea eskuinetik gorakoa izango da.



 GR 11 ren zutoina







 Bernera alderako norantza hartu.



Bidexka batetik igotzen jarraitu eta azken zuhaitzak gaindituko ditut Bisaurineko hormetara gerturatuz.









Handik gutxira Ordelca aterpera iritsiko naizelarik.











Bisaurin mendiko hormak inguratuko ditut Castillones trokan barneratzeko. Haitzetara begira eta sarrio bat ikusi izan dut.











Trokara sartu aurretik argazki panoramiko bat.



Trokaren hasieran Pico alto de Portaza eta Cúpula de Secus ikusgai izango ditugu eta norantzaren erreferente.







Barruarago troka estutu egiten da eta errekatxoaren bertze aldean, udaberria izanik ur-jauzi ederrak ikusgai ditut.







Bidean hesi bat topatuko dut, eta gaurkoan hortik aurrera jada elurra ere.











Gorago jarraitu eta zenbaitetan errekatxora hurbilduko da bidea.























Emeki emeki Los Forestales aterpera gerturatuko naiz, eta jada eguzkia lagun izango dut tontorreraino.





















GEHIAGO IRAKURTZEKO:

http://mendikosterak.blogspot.com.es/2018/05/bisaurin-mendia-zirkularra.html
Bisaurineko mendi-ertza. Gailurretik nahiko gertu ateratzen da bidea. Jada mendi-ertzatik ibiltzea ez da falta tontorra zapaltzeko.
Bisaurin mendiko tontorra.
Castillones trokan zenbait ur-jauzi ikusterik izango ditugu udaberrian.
GR bidera aterako naiz puntu honetan
Igoeraren hasieran daukagun bidegurutzea. Eskuin aldera jarraituko dugu, Estanes aldera eramaten duen GR Camille bidetik.
Secun mendi-lepora iritsi baina apur bat beherago, ezkerretara jo beharra dago, hantxe dagoen kanala batetik gorat egiteko.
Lizarako aterpeko goiko aldera iritsi aurretik eskuinetik haranera jaisteko laburbidea.
Igoeran, bide erdian topatuko dugun hesia.
Fuenfria iturria bidetik beherago topatuko dugu.
Jaitsieran topatuko dudan aurreneko iturria. Gaur urez gainezka dagoena.
Korredorea edo kanalaren hasiera eta malda nagusiko pasalekuak.
Puntu honetara iritsi izan naiz elurraren gainetik.
Bisaurin mendiko ertzara iritsi aurreko lepoa. Bertan elkartu egiten da iparraldetik datozen korredore polit batzuk. IIM ipar ipar mendebaldekoa hain zuzen ere.
Foratón eta Bisaurin mendien arteko mendi-lepoa.
Lizarako aterpea.
Ibilbidearen hasiera Lizarako aterpeko aparkalekuan da.
Plana Mistrera Castilloneseko trokaren goiko aldean irekitzen den harantxo bat da. Bertan dugu bidegurutze nagusia, eskuinetik Estanes aldera joateko eta ezkerretik Secus eta Bisaurinerat.
Los Forestaleseko aterpe librea.
Ordelca aterpe librea.
Secus alderako igoeran lautadatxo txikitxo bat dago.

Kokapenaren inguruko iritzi eta galderak

    Si quieres, puedes o esta ruta