Funchal

Funchal, 100mila biztanle baino gehiago dituen Madeirako hiriburua da.
Aholku bat ematekotan: leku lasaiak eta trekkingak egitea gustoko baldin badituzu ez aukeratu Funchal. Hiritik ateratzea asko kostatzen baitu, trafikoa astuna edukitzen du eta errepidea irla guztian bezalaxe bihurgunez eta maldaz josita dago. Hala ere, korrika ibiltzeko itsas pasealekua oso egokia da. Hona hemen itsas pasealekua, alde zaharra eta beste puntu interesgarri batzuk lotzen dituen ibilbidea. Goizeko lehenengo orduetan lasterkaldi hau egin ondoren, Areeiro mendiruntz abiatu ginen, mendi ibilaldi bat egiteko asmoarekin. Erdibidean "ribeiro frio" delako herrian 3kmtako ibilaldia egin genuen eta "balcoes" begiratokira iritsi ginen. Ez dago tracka edukitzeko beharrik, baina hadi egon, behin herri horretara iritsita bestela pasa egingo zarete. Portelako begiratokia, Eira do Serrato edo Faialeko gotorlekuaren begiratokiak ere merezi dute. Areeiro Ruivo ibilaldia ikusteko pasa hurrengo trackera.