Alcoseber - Peñiscola 2018-07-11

Gaurko ibilbidea txirrindulaz buruturikoa da. Luzeegia ez bada ere eta malda gehiegirik ez duen arren, beroarekin gogorra bilakatu daiteke. Ibibidean zehar hainbait hondartza topatuko ditugu eta horri esker bainuak hartzean freskatzeko aukera izango dugu.

Ibilbideak Irtiako mendizerra eta bere parke naturalaren paisaietaz goxatzeko aukera ematen digu eta aldi berean Peñíscolako herri zaharra eta Papa lunaren gaztelua eta harresiak ezagutzeko aukera eskaintzen digu.

49 km baino gehiagoko joan eta etorriko ibilbidea. Pista harriz beterik duna, hortaz nekagarriagoa bilakatu egiten da.



Ibilbidea eta altimetria









Gaurkoan Alcoseber herriaren erdigunetik apur bat bazterturik dagoen kanping batean du abiapuntua.



Kanpingetik irten eta eskuinerat jo beharko dugu, Alcoseber herrirantz.



Tres Playas zeharkatu eta gero Playa Romanako behatokira eta hondartzara gerturatuko gara.











Errepidetik jarraitu eta Alcoseber herrian sartuko gara. Oraingoan kontrako norantza duen pista batetatik jarraituko dugu, (txirrindulak baimenduta dute norantza hau ere).







Apur bat aurrerago herriko paseora iritsiko gara eta tarte labur batetan zehar txirrindulak eskuan eraman beharko ditugu.







Paseoan bertan topatuko dugu turismo bulegoa. Goiz da eta oraindik itxita dago, beraz itzultzean bisitatuko dut.







Pasealekutik aurrera jarraitu eta Alcoseberreko portura iritsiko gara. Gaurkoan bertatik pasa baina ez naiz jaitsiko beheraino. Hortaz bidegurutzean zuzen jarraitu beharko dut.







Alcoseber herriko kostaldetik jarraitu eta herriaren bukaera bidegurutze bat topatuko dugu. Bertan informazio ohola dugu eta bide gurutze honetatik pistetara pasa beharko gara. Hasieran ezkerretik gorat abiatzen den pistatik.















Aurrerago norantza guztietatik pistak abiatzen den bidegurutzera iritsiko gara baina Peñíscolarako bidea zuzen jarraitu behar dugu.



 Pista nagusitik jarraitu naiz eta aurrerago, berriz ere bertze bide gurutze bat gainditu.



Azkenean eta aldapa batzuk igo eta jaitsi ostean Argilaga kalara iritsiko gara. Bertan aparkaleku txiki bat dago eta kala eder bat bisitatu eta gero bainua hartzeko beta izango dut ere.











Kalatik ateratzeko aldapa ederra dugu, eta gainera topatuko dugun aurreneko bidegurutzean, zuzen gorat jarraitu beharko dugu.







Apur bat aurrerago, bihurgune batean bidegurutze bat izango dugu, oraingoan eskuinetik joko dugu, zuzen jarraitzekotan Irtiako mendizerran barneratuko ginen eta.



Aldapa gorat egin eta gero, beherat jarraituko dugu itsasora gerturatzeko. Basseta harrizko hondartza handira gerturatuko garelarik. Ondorengo zatia hondartze zeharkatzen emango dugularik.







Cap D´Irtara edo Iratako hondartza izango da hurrengo eremua.  Bertan ere bainua hartzerik eta arrainak behatzeko gune ederrak dira.











Aurrerago jarraitu eta Punta Pebretera iritsiko gara. Bertan eraikin batzuk dira eta hondartzarako aparkalekuak ere.











GEHIAGO IRAKURTZEKO: http://mendikosterak.blogspot.com/2018/08/alcoseber-peniscola-alcoseber.html