Arlaban-Jarindo- Santikurutz

Ibilbide hau Urmuga ekimenak Urkiola-Arlaban bigarren tartetzat hartu genuen, lehenengoa Urkiola-Ipizte-Orisol izanik. Ibilitakoa atzera ibiltzea baino ez ondorio larririk gabeko pare bat akats egin genuen eta gure ibilbideari jarraitu gura duenak mapan astertzea besterik ez du behar non dauden eta nolakoak diren ikusteko. Ibilbidea Arlaban mendatean dagoen aparkagune handiaz haraindi hasten da eta, metro batzuk ibili ostean, ezkerretara agertzen zaigun GRari jarraituz egin daiteke joan da etorri osoa. Guk gure aldaar batzuk egin genituen batzuk akatsen ondorioz bestetzuk nahita baina, lehen esan dudan lez, ondorio larririk gabekoak dira. Hasi eta gutxira, hiru bide dituen gurutzegune batean non enbor batzuk egon ziren metatuta, zidor bat agertzen da gure aurrean Maroto tontorrera joateko. Guk ez genuen hartu baina, bide nagusitik jarraituz, konturatu ginen pitin bat aurrerago bide nagusi honetara tontorretik zetorren bidea nagusira irtetzen zela. Bide pizka bat luzeagoa erabili genuen Jarindoko tontorrera iristeko. Ikuspegi ederrak bai Gorbeia aldera zein Udalaitz eta Orisolera. Gura dugun moduan jaitsi daiteke bide nagusira, guk aldatsa handı batetik iritsi ginen, baina itzultzean, GRari jarraituz tontorrerako bidera iritsi ginen. Behin bide angustian, jarraitu besterik ez dugu lehenego, Gurutzeta izeneko gurutze gunea non Legutio Aramaio errepidea zeharkatuz Olaetako norantza hartuko dugu errepidetik San Cristobal izeneko guneraino. GRari jarraituko diogu berriz ere eskumaldean, idazkun batek adierazita, Santikurutz baseliza kuttunaren norantzara iritsi arte. Aldata polita geratzen zaigu baina ikuspegiak merezi du. Itzulia bide bertsuetatik oroimenari jarraituz edo, beharrezkoa bada, GPSaren ibilbideari. Garagardo bat Arlabango jatetxean eskertuko duzue.