Denbora  4 ordu 38 minutu

Koordenatuak 1050

Noiz igoa 31 de diciembre de 2018

Noiz egina diciembre 2018

-
-
1.480 m
786 m
0
2,7
5,3
10,67 km

Bisitak 126, kokapena 10

Nondik gertu Azparren, Navarra (España)

Baigurara Azparren herritik igotzeko hainbat aukera dago. Guk bat hautatu genuen igotzeko, eta beste bat jaisteko, ibilbide zirkularra egitearren.
IGOERA
Herriaren goialdetik atera eta berehala, ezkerretara pista bat ikusiko dugu, "PR NA 23 Baigura" marka duena. Hori bazterrean utziko dugu, eta zuzen aldapan gora abiatzen den beste pista bat hartuko dugu, porlanezkoa, zuria eta oso malkartsua. Metro gutxitara Baigura markatzen duen beste seinale bat ikusiko dugu, harrizkoa (ikusi "Bidearen hasiera" waipointa). Pista hori berehala bukatzen da, eta segidan, mendi bidea hartuko dugu, basoan barnakoa. Bidea ongi markatuta dago; kairnak daude tarteka, eta arboletan margo arroxaz egidako markak. Pagadi zoragarrian barna igo, ekialdera. Desnibel gehiena egindakoan, soilgune batera iritsiko gara, lepo zabal moduko bat. Handik aurrera bidea ez dago oso ongi markaturik; ezkerraldera jo beharra dago hobekien ikusten dugun tokitik. Malda etzanagoa da zati honetan, eta basoa ez da hain itxia. Halako batean, eskuinaldean hegoaldean ditugun bailarak ikusten hasiko gara (Elkoaz...), eta ikusmira ikaragarria Moncayoraino. Aurreraxeago, harrizko bloke handiz osaturiko punta zorrotz bat ikusiko dugu parean, piramide itxurakoa. Harrietan barna egin aurrera, punta zorrotz horretara igo arte, eta luze gabe gailurrera iritsiko gara.
JAITSIERA
Jaisteko, bide bera hartu ordez, gailurrari buelta eman genion iparraldetik harritzar horiek saihesteko asmoz, baina alferrik izan zen; zuzenena igoerako bide bera hartzea da. Baso artean jaitsi, igotzean ikusi dugun soilguneraino, eta han, eskuinaldera egin pista bat aurkitu arte. Pistan barna jaitsi; bidea luzexeagoa da, baina eroso egiten da. Tarteka "PR NA 23 Baigura" markaren bat ikusiko dugu, baina oso gutxi daude, eta ez prezeski beharrezkoak diren tokian. Pistan barna pare bat bidegurutze aurkituko ditugu, eta horietan GPSa begiratzea komeni da, ez baitago markarik. Poliki poliki, herrira iritsiko gara, ibilbidearen hasieran bazterrean utzi dugun pistatik bertatik.

1 komentario

  • lezea 05-ene-2019

    Oso ederrak eta interesgarriak argazkiak. Batean Itoiz urtegi ikusten eta gainean castro de los jeronales dago uste dut. Erri prehistoriko dela

Nahi izanezkero edo ibilbide hau