Koordenatuak 2125

Noiz igoa 3 de agosto de 2018

Noiz egina agosto 2018

-
-
1.430 m
172 m
0
6,3
13
25,09 km

Bisitak 542, kokapena 14

Nondik gertu Saint-Jean-Pied-de-Port, Nouvelle-Aquitaine (France)

Donajakue bideko aurreneko ibilaldia aurkeztuko dizuet gaurkoan. Donibane Garazin hasi eta Orregako monasteriorainokoa. 25 kilometro eta mila metrotik gorako desnibelakoa. 170 metro inguruan hasi eta Lepoederreko 1429 metrotaraino igo beharrekoa, ondoren Orreagara jaisteko.




Gaurko eguraldia nahiko kaskarra izan da, hasieratik euria eta makurrena, lainoaz inguraturik ibili behar izan dugula ia ia Orreagara iritsi arte. Hortaz ezin izan dugu goxatu ibilaldi honek eskaintzen dituen ikuspegi eta paisai ederretaz.




Ibilbidea eta profila.







Gaurkoan autobusak Donibane Garaziko gotorleku azpiko aparkalekura eraman gaitu, harresiaren aurreko puntura. Bertan aterkia eta anorak eta kapak paratu behar izan ditugu eguraldiari aurre egiteko.














Donibane Garazira harresiko atetik sartuko gara eta ondoren rue de la Citadelletik beherat ibiliko gara.



















Donibane Garaziko elizaren ataritik pasako gara.



Eta erlojuko dorrearen azpitik Nivé de Béhérobide ibaiaren gaineko zubira gerturatuko gara argazki baten bat egiteko.























Karrikatik gorat egingo dugu, harresiarekin berriz elkartu arte, hauxe izango da Donibane Garazi agurtzeko puntua.







Hemendik aurrera aldapak hasiko dira, eta ez dira bukatuko Lepoederreraino, eta benetan luzeak eta batzuk malkartsuak izango direla.

Errepidetik zuzen jarraituko dugu.







Lainoak paisaiza goxatzeko betarik ez digu emango, eta akaso horregatik gure martxa behar baino azkarragoa izango da, kontutan izanda ibilaldiaren luzera eta igo beharreko metro kopurua.

Aurreneko bidegurutzea zuzen gaindituko dugu. Bidea ordea oso ongi margoturik eta izendaturik dagoenez ez dago galtzeko aukera gehiegirik.



Asfaltotik gora jarraituko dugu. Aurrerago bertze bide gurutze batzuk ere izango ditugu.







Bertze aldapa gogor eta bidegurutze batzuren ondoren, ibilbidarekin jarraituko dugu.











taberna batetara iritsi arte. Bertan taldea elkartuko da, martxarekin jarraitzeko.



Apur bat gorago errepidea utziko dugu gure ezkerretik, aldapa gogor batzuk pista batetatik gainditzeko.



Hala ere aurrerago berriz ere errepidearekin topo egingo dugu.



Gorago iturri bat topatuko dugu eta izerditan blai gaudenez edateko aukera ezin hobea dugu.



Bertze aldapen ostean, azkenean Orisson aterpera iritsiko gara. Bertan indarrak berreskuratuko ditugu zerbait jaten eta kanpoan dagoen iturritik ura edaten. Hala ere euria eta lainoak tinko eusten diote eta ez digute tarterik emango.



















Aldapan gora jarraituko dugu eta daramagun erritmo bizkorrarekin erromesak aurreatzen jarraituko dugu.
GEHIAGO IRAKURTZEKO: http://mendikosterak.blogspot.com/2018/08/donibane-garazi-orreaga-donajakue-bidea.html
Arranosin errekatxora iritsi aurreko izango dugun ataka
Larrialdietarako eraikitako aterpe librea.
Ostatu edo aterpetxo bat dugu bertan.
P lerroko bunkerretariko bat. Bi topatuko ditugu Lepoederrarte.
Ibilbidearen hasiera Citadella azpiko aparkalekuan izan dugu. Harresitik kanpoko aparkalekuan.
Donibane Garazira sartzeko harresiko atea.
Herriko eliza
Donibanetik irteteko berriz harresia gainditu beharko dugu puntu honetan.
Puntu honetan edari makinatxo bat daukagu.
Errepidetik igotzen jarraitu eta aurreneko bidegurutzean eskuinetik segi.
Eskuinetik jarraitu bidegurutze honetan ere
Bertan ere gora eskuinetik.
Bihurgune honetan ezkerretik aldapan gora jarraitu.
Ezkerreko aldetik errepidea utzi eta pista batetara pasa. Aldapa gogorrak izango ditugu baina laburbide bat da.
Berriz ere errepidera atera eta zuzen igotzen jarraitu
Bidegurutze honetan zuzen jarraitu
Eskuinetik gora jarraitu.
Zuzen igotzen segi. Bertara iristen da Arnegitik igotzen den errepidea.
Errepidetik zuzenean jarraitu.
Errepidea puntu honetan utziko dugu eta eskuinetik abiatzen den pistara pasako gara.
Bentarteko mendi lepoan bidegurutzea dugu. Guk eskuinetik jarraitu beharko dugu.
Bidegurutze honetan zuzen jarraitu
Bidegurutze honetan ezkerretik zuzenean Orreagara jaisteko aukera dago.
Bidegurutze honetan eskuinetik segi pistara hurbiltzeko
Nabalatik datorren pistara irten eta eskuinetik Orreagara gerturatuko gara.
Bidean topatuko dugun hesi eta langa.
Edateko ura duen iturri berria.
Bentarteko lepotik gertu dagoen iturri ederra.
La Nive gaineko zubia. Donibane Garaziko gune turistikoena.
Lepoederreko mendi lepoa. Ibilbideko altuerarik garaiena.
Nafarroa Garaia eta Bexe Nafarroaren arteko muga.
Orisson aterpea. Gune estrategikoan kokatua. Aldapa gogor batzuren ostean. Kanpoko aldean iturri bat ere badu.
Erresistentziaren omenezko oroigarria.
Orreagako monasterioa. Beheko aldean aparkaleku handia dago.

Kokapenaren inguruko iritzi eta galderak

    Nahi izanezkero edo ibilbide hau