DURANGO-SAN ANDRES-NEBERONDO-BITAÑO-IZURTZA-ETXANO-UNTZILLA-ABADIÑO-DURANGO.

San Roke auzotik aurrera egin, adi bidegurutzeetan, San Andreseraino (2,6 km).
Hortik aurrera bidegurutze guztietako zutoinetan Neberondorako norabidea agertzen da.
Neberondon (4,8 km) mahaietatik aurrera eginez mugarriak zeharkatu eta bidean behera egingo dugu Bidekrutzetaraino (5,8 km).
Hemen zementozko pistatik berrehun metro egin eta bidegurutzean eskumatara doan pista hartuko dugu. Dolometako iturritik pasatuz (6,7 km),Larrinagatxura doan zidorra ezkerrean utzita Bitañora helduko gara (7,6 km).
Bidean behera, Erdoitzako hilerri aurretik pasatuz Izurtzaraino (8,5 km).
Errepidea eta Urezandi baserriko zubitxoa zeharkatuz, metro batzuk aurrerago ezkerretatik gora egiten duen bidexka hartu eta Durangotik datorren pistarekin topo egingo dugu (8,9 km).
Aurrerago, Mañarira doan bidetik (GR 229) Etxano auzora (10,3 km). eta ezkerretara eginda, zidorretatik Larringaneko haizerrotaraino (11,6 km).
Asfaltotik aurrera, iparralderantza, Untzilla baserrietako bidegurutzean, Durangorako bideari uko egingo diogu hiru baserrien ondotik aurrera eginez.(12,6 km).
Azken baserrian, Untzillabarrenengoan, amaitzen da asfaltoa eta beherantza doan bideska hartuta, Mendiolako galtzada zaharretik (13,8 km) Abadiñora iritsiko gara eta hortik aurrera ,Eguzkitzatik, Durangora, 18 km egin eta gero.