Denbora  2 ordu 25 minutu

Koordenatuak 770

Noiz igoa 8 de enero de 2019

Noiz egina enero 2019

-
-
410 m
53 m
0
4,1
8,2
16,3 km

Bisitak 63, kokapena 7

Nondik gertu Ubare, País Vasco (España)

18 kilometro dituen ibilbide gorabeheratsua, Zizurkilgo ia herri osoa zeharkatzen duena, hegoaldetik iparralderaino. Joxe Arregi plazatik aterata, Loidierrota eta Salobietatik barrena Adunako Basopetara igotzen da. Handik, Gelitatik eta Itzumitzetik pasa eta gero, ingurune natural babestua den Atxulondo burdinolara iristen da. Itzulerako bidean Saratxoeta baserriaren hondakinen ondotik pasa ondoren Oiartzun aldeko lepoa hartu eta Pagamendira iritsiko gara. Handik Ibiturrira jaitsi eta Egieta eta Areta ondoren herrigunera doan errepidea zeharkatuko dugu eta Urkamendi aldera igo. Azkenportura jaitsita, bidegorria hartu eta Joxe Arregi plazara itzuliko gara.
parquing

Joxe Arregi plaza

0 km. Ibilbidea Zizurkilgo Elbarrenako Joxe Arregi plazatik abiatzen da. Rotondatik gora, Adunara doan errepideko ezpaloitik hartuko dugu.
Intersection

Ihartzara

0.6 km. Bulandegi bideko etxadiaren amaieran ezkerretik gora ateratzen den errepide txikia hartuko dugu. Honek Ihartza auzunera eramango gaitu, Arrospide eta Isidroenea etxeen tartetik.
Intersection

Behibategi

1.2 km. Ihartzatik 500 metro egingo ditugu aurrera herribidetik. Galardi baserriaren albotik, Beibategi jatetxera iritsiko gara. Han Herrigunera igotzen den errepidearekin bat egingo dugu. Pello Mari Otaño bertsolari handiaren jaiotetxe izan zen Errekalde baserriaren parean eskuinera joko dugu, Adunibar aldera, Abiadura Handiko Trenaren zubipetik.
Waypoint

Loidierrota

1.7 km. Abiadura Handiko Trenaren zubiaren azpitik jarraituz, laister iritsiko gara Loidierrotara.
Zubi

Salobietako zubia

2.2 km. Beste 500 metro egingo ditugu, erabat lauak eta Salobieta edo Adunaerrekaren albotik. Laster iritsiko gara Salobietako zubira. Igarota, Adunako Udalerriko eremuan sartuko gara. Zubian bertan iturri ederra dugu.
Picnic-a

Basopeta

4.1 km. Behin Adunako lurretan, bideari 1.300 metro jarraituko diogu, goraka beti, Pagoaga baserriaren ondotik pasatuz. Adunatik gora datorren pista zabalarekin bat egingo dugu eta hau hartuz, beste 500 bat metro eginda Basopeta izeneko atsedengunera iritsiko gara. Dagoeneko 4 kilometro egin ditugu. Hor hiru bide azalduko zaizkigu aurrera jarraitzeko: eskuinekoak Belkoainera eramango gaitu. Erdiko zabalari, nagusiari, jarraituko diogu.
Intersection

Txingorri

4.8 km. Basopetatik aurrera doan pista 800 bat metro jarraituta, Txingorriko bidegurutzera iritsiko gara, goraka beti. Ezkerrekoa Arizkurutzeta eta Pagamendi aldera doa. Eskuinetik gora jotzen duen adarra hartuko dugu.
refugio

Gelitako borda

5.7 km. Pistatik Txingorritik gora kilometro bat eskas egin ondoren, Gelitako gainera iritsiko gara. Eskuinean Gelitako borda ikusiko dugu. Jarraitu beheraka pistatik.
Hondakinak

Itzumitz

6.3 km. Gelitako gainetik behera laister jaitsiko gara Itzumitz baserrira. Hor bukatzen da pista zabala eta handik aurrerakoa baso arteko mendi-bidea izango dugu. Hurbiltzean, langa bat zeharkatuko dugu. Behin eraikinetara iritsita, etxearen eskuin albotik jarraituko dugu markatu gabeko tarte batez. Pare bat pasabide txiki zeharkatuta, behera jotzen duen bideari jarraituko diogu.
Intersection

Atxulondo-Saratxoeta bidegurutzea

6.8 km. Itzumiztik 600 bat metro jaitsita, bidegurutze batera iritsiko gara. Kontuz, markatu gabe baitago eta oso erraza da nahastea edo ez ikustea. Ezkerretik Saratxoeta baserrira goaz. Eskuinekoa hartuko dugu, Atxulondo aldera. Gero bidegurutze honetara itzuliko gara.
Hondakinak

Atxulondo burdinola

7.3 km. Atxulondo, edo Arsulondo, agiri zaharretan deitzen zioten bezala, Abalotz errekaren sakanean goialdean dagoen ingurune natural berezia da eta axola handiko instalazio hidrauliko izan zenaren hondakinak kontserbatzen ditu. Garai oparoenean 25 bat lagun aritzen omen ziren bertan zuzenean edo zeharka lanetan. Atxulondo burdinola Zizurkilgo ipar-mendebaldean dago, herriko gunetik urrutien dagoen parajean. Gaur egun basoaren erdian galdurik dago eta sasiak ia janda dauka. Saratxoetaerreka eta bestelako erreketatik iristen diren urak biltzeko bi presa eta ur emaria erregulatzeko urtegia, antapara eta beste eraikin batzuen arrastoak kontserbatzen ditu, baina urtetik urtera nabarmen hondatzen ari da.
Hondakinak

Saratxoeta karobia

Saratxoeta baserrira iritsi aurretik langa zeharkatuko dugu, justu hondatzen ari den baserriko karobiaren parez-pare.
Hondakinak

Saratxoeta baserria

8.1 km. Goitik behera eraitsitako baserria da Saratxoeta, garai batean inguru osoari izena eman ziona. Gaur baserria zenaren ormak diraute justu-justu eta urtetik urtera geroz eta egoera okerragoan dago.
Hondakinak

Turbina

8.4 km. Saratxoeta baserrikoek argindarra lortzeko erabiltzen zuten turbinaren hondakinak.
Observación de fauna salvaje

Uso-puestoa

8.8 km. Ehiztariek erabiltzen duten altuera handiko uso-puesto baten azpitik jarraituko dugu, Pagamenditik datorren Astaerrekaren albotik, beti gora.
Lepoa

Oiartzungo bidegurutzea

9.7 km. Saratxoetatik gora Hegoaldera jota, Oiartzun baserria zenaren ondoko lepora eta pista zabalera iritsiko gara. Saratxoetatik gatozen bezala begiratuta, bidegurutze horretatik ezkerrera hartzen badugu, ekialdera, Arizkurutzeta eta lehen igaro dugun Basopetara itzuliko ginateke. Eskuinera, mendebaldera, Peruazkarate, Zarateko benta eta Ezkeltzu aldera joko genuke. Guk parean dugun langa zeharkatu eta hegoaldera ateratzen den bidea hartuko dugu, Pagamendi aldera.
Edificio de interés

Pagamendi

10.3 km. Oiartzun aldetik gatozela, inguruari izena ematen dion Pagamendi baserriarekin topo egingo dugu aurrealdean. Iritsi aurretik, ezkerretara jo behar dugu, Hegoaldera, belaze zingiratsua guztiz zeharkatuz, Ibiturrira jaisten den bidearen hasiera aurkitu arte.
Ibai

Ibiturri

11.5 km. Pagamenditik 1.200 metro jaitsita, Ibiturri ingurura iritsiko gara. Hor bat egiten dute Zizurkilgo Lizardi eta Otsoerrekak batetik eta Adunako Katamira eta Arrazubierrekak, Ibiturrierreka osatuz. Ia 200 metro behera etorri gara Pagamenditik, orain Egietaraino igotzea tokatzen zaigu.
Waypoint

Egieta

12.9 km. Kilometro eta erdiko aldapa igoko dugu Ibiturritik eta Egieta etxearen ondoan bat egingo dugu Herrigunetik Zarateko Bentara igotzen den errepidearekin. Egieta etxea pasa eta berehala hego-ekialdera doan bidea hartu eta Areta aldera joko dugu.
Waypoint

Ispillaga

13.7 km. Egietatik gatozela, behin Aretako auzunea zeharkatuta, zuzenean Kalixara jaisten den Ispillagako hormigoizko bidea hartuko dugu.
Erlijio-eraikina

20-Kalixa

14.0 km. Arritxipi baserriaren albotik jaitisita, Aduna aldetik Herriguneran igotzen den errepidearekin bat egingo dugu Kalixan. Auzune txiki honetan 1905ean eraikitako Done Mikel Goiaingeruaren ermita eta bizpahiru eraikin daude. Alboan aska bat ere ikus daiteke. Gatozen bezala errepidea zuzen zeharkatu eta goraka jo berriro, Hegoaldera.
Erlijio-eraikina

Kanposantua

14.8 km.Agerre baserrien albotik 600 bat metro igota, Herrigunetik datorren errepidearekin bat egin eta Zizurkilgo kanposantura iritsiko gara. Hemen amaitzen dira ibilbidearen aldapa gorak.
Intersection

Azkenportu

15.8 km. Kanposantutik jaitsi gara eta Zizurkilgo auzune berri batera iritsiko gara: Azkenportu. Asteasurako errepideko rotonda eta Asteasuko erreka zeharkatu eta Benta aldean bide gorriarekin topo egingo dugu. Ezker aldera, Ekialdera eta azken 400 metroak eginda hasierako gunera iritsiko gara, Joxe Arregi plazara. Osatu ditugu ibilbidearen 16,3 kilometroak.

Kokapenaren inguruko iritzi eta galderak

    Nahi izanezkero edo ibilbide hau