Koordenatuak 1512

Noiz igoa 13 de junio de 2018

Noiz egina junio 2018

-
-
864 m
407 m
0
4,0
7,9
15,9 km

Bisitak 315, kokapena 15

Nondik gertu Ermitagaña, Navarra (España)

Gaurko txangoa Ezkaba mendira izango da. Iruñerriko gure mendirik esanguenetarikoa, baina hilabete honetan gainera, azken hogeita hamar urteetan bezala, ihesaldiaren omenezko ekitaldirako bisita egitea erabaki izan dut. Gogoratu aurten 795 presok frankismo garaiko presondegi batetik buruturiko ihesaldi kopurutsuena izan zela.

Jakina da horietatik 203 erail zituztela eta soilik 3 pertsona lortu zutela mugaz bertze aldera iristea. Azken urteko indusketak direla eta 41 gorpu berreskuratuak izan direla. Eraildakoen kopuruari, arduradun leporatzeagatik, 1938-08-8an 14 pertsona fusilatuak izan ziren ere.



Ihesaldiaren eguna, 1938-05-22, gertuen dagoen igandean ospatu egiten da omena. Hori dela eta gaurkoan Donibanetik irtenda, ekitaldian parte hartzeko ibibidea prestatu dut.

Ekainaren 15arte "Ezkaba 1938 - 2018" erakusketa Planetarioan ikusgai duzue.

Esteka honetan entzungai duzue erakusketa eta ihesaldiaren inguruko informazioa.



Berreskuraturiko azken bi erailen ingurko informazioa. BERTAN 



Altimetria eta ibilbidea











Irteera Donibane Kirol Elkartetik izango dut berriz ere.







Errepidea zeharkatu eta Biurdanatik antzinako hodien zubira zuzenduko naiz, bertatik Arga ibaia gainditzeko.



















Geroago Renfeko tren geltokira hurbildu.







Eta bertatik Gipuzkoako etorbidetik Paberdom parkera iritsiko naiz.











Parke honetatik iritsiko gara Lurrunen parkera eta honela tren bideetar gerturatu ere















Ezkerretatik jarraituz tren bideak gainditzeko oinezkoen zubia ikusiko dugu eta handik igerilekuen aldera pasa ere.















Ezkerreko aldetik eta tren bideak aldamenean izanda bertze iturru eta Plazaolaren trenbidearen omenezko eskulturara iritsiko gara.





Ezkerretik, errepidearen azpitik igaro eta topatuko dugun aurreneko bidegurutzean ezkerretara jo, Berriozar zaharrerantz gerturatzeko.







Baratzen eremura iritsi eta eskuinetik, iturria dagoen lekutik Eskolara hurbilduko gara.











Eskolaren ezkerreko aldean eta mendi magalaren hasieran, Berriozar herri zaharrera eramango gaituen oinezkoen bidea dugu.







Bidearen ertzeetan zurezko hainbat eskultura ikusgai ditugu.











Herri zaharrean elizari bisita egingo diogu.

"XII. mendearen bukaerako eraikin bakuna. Oin laukizuzena du, burualde zuzena, korua oinetan eta dorre prismatiko handia. XVI. mendean kaperak eta sakristia atxiki zitzaizkion; eta XVIII.enean ataria. Barnean nabarmentzen dira ogiba-arku zorrotzak eta gurutze ganga bakunak. Arku zorrotzeko portada bakuna XII. mendearen bukaerakoa da.Erretaula nagusia tenpluko eskultura obra garrantzitsuena da (1643, Martín de Echeverría). Erromanismoaren eta barrokoaren arteko trantsizioko obra da."





GEHIAGO IRAKURTZEKO: http://mendikosterak.blogspot.com/2018/06/ezkabako-ihesaldiaren-2018-urtemuga.html
Berriozar zaharreko eliza
Errepide nagusia edo ronda zeharkatzeko oinezkoen pasalekua.
Errepidea zeharkatuko dugun aurren aldia
Bigarrenez errepidera atera. Metro gutxi batzuk errepidetik egin eta ez dugu eskuin aldeko aurreneko pista hartuko
Ezkaba mendiko tontorra. Berez erpin geodesikoa gotorlekuaren barruan dago.
Alfontso XII. gotorlekuaren ate nagusia. Gaurkoan Ezkaba ihesaldiaren omenaldia.
Alfonso XII. gotorlekua bukatzean eraikitako gotorleku berria. Aurrekoa harrapatzekotan bonbardeatzeko aukerak izateko eraikia.
Errepidea zuzen zeharkatu eta Biurdana parkerantzako norantza hartu.
Errepidea zeharkatu zuzenean Renfera iristeko
Errepidea zeharkatu cuatrovientosen eta trenbidearen gainetik igarotzen den zubira bideratu.
Lurrunen parkea gure ezkerretik utzi beharko dugu, trenbideetara gerturatuz
Trenbideak igaro eta igerilekuetara iritsi eta ezkerreko bidea hartu.
Errepidearen azpitik igaro eta aurrerago bidegurutzea topatuko dugu. Ezkerreko aldera joan.
Mendialde ikastetxearen aldamenetik jarraitu eta pista hau topatuko dugu. Ezkerretik joatean, errepidea ekidituko dugu.
Herritik ateratzeko ezkerreko goiko aldeko pista hau hartuko dugu.
Pista ona utzi eta zuzenean abiatzen den bidexkara pasa.
Bidegurutze honetan eskuinera gora jarraitu.
Tentuz ibili hemen. Igoera zuzena egin ordez ezkerreko bidetik jarraituko bai dugu.
Pista batekin elkartu eta mahai batzuk diren lekuan, gorat jarraitu ordez, zuzen segi.
Berriosusotik datorren bidearekin bat egin eta eskuinetik gorat jarraitu.
Pista batetara atera eta pistatik jarraitu ordez, zeharkatu eta zuzen igotzen jarraitu.
Bertze pista batetara atera baina zuzen igotzen jarraitu.
Gotorlekuko ate nagusitik atera eta eskuin aldetik beherat doan bidea hartu.
Jaitsieran, bidegurutze honetan ezkerretik joango gara, bertzela Berriozarrera zuzenean jaitsiko ginen.
Eskuinetik abiatzen den bidexkara pasa, Artikara iristeko.
Parke honetan topatuko dugun iturria
Lurrunen parkeko mutur bateko iturria
Bidean eta trenaren oroigarri gisa eraikitako eskulturaren aldamenean dagoena.
Berriozarreko baratzen aldamenean dagoen iturri eta askaltokia.
Lurruneko parkea. Gaurkoan soilik kanpoko aldetik zeharatuko duguna.
Oblataseko zubia edo Errotxapeako zubia
Paberdom omenez eraikitako parkea
Peñas bidegurutzea. Gaurkoan zuzen baina ezkerretik GR225 edo ihesaldikoa doa.
Iruñako tren geltokia
Trenbideak zeharkatzeko pasalekua. Oinezkoentzako soilik.
Arga ibaia zeharkatzeko Biurdana parkean dagoen zubia. Garai batean hodietarako soilik zena.

1 komentario

  • apombar 23-jun-2018

    Hagitz ongi markatuta.
    Ez nuen Ezkaba ezagutzen eta gustora!!!!
    Eskerrik asko Mikel!!!

Nahi izanezkero edo ibilbide hau