Koordenatuak 438

Noiz igoa 19 de diciembre de 2018

Noiz egina diciembre 2018

  • Balorazioa

     
  • Informazioa

     
  • Erraza jarraitzeko

     
  • Ingurunea

     
-
-
355 m
96 m
0
1,8
3,6
7,2 km

Ikusita 341 aldiz, jaitsita 28 aldiz

Nondik gertu: Zizurkil, País Vasco (España)

Familia-giroan egiteko moduko ibilibidea. 7 kilometro pasatxo ditu, erdia edo asfalto gainean egitekoak. Zizurkilgo Herriguneko aparkalekutik aterata, Iparraldera jotzen duen bidea hartu behar da, Zarateko Benta aldera. Abeletxe jatetxearen seinale bat dago hasiera honetan. Aldapa gora joango gara kilometro eta erdi gutxigora behera. Gero mendi bide batetik beste hainbeste egin ondoren, hasieratik generaman Zaraterako errepidea hartuko dugu berriro. Laister ezker aldetik Hegoaldera ateratzen den mendi bidea hartuko dugu. Puntu honetan bukatzen da aldapa gora. Hemendik aurrera, guztia behera doa. Kilometro eskas egingo dugu ezker aldera ateratzen den bidea hartu arte. Berehala berritu berri den Irizibarko karobia ikusteko aukera izango dugu. Aurreko bidera itzulita, Zearsoro baserrira iritsiko gara. Hemendik aurrera errepideari jarraitu beharko diogu pare bat kilometrotan gure hasierako puntuaraino, Herriguneko aparkalekuraino.
Aparkalekua

Aparkalekua

0 km. Herriguneko Donemiliaga parroki-elizaren atzealdean dagoen aparkalekutik aterako gara. Iparralde aldera jota, Zarateko Bentara doan bidea hartuo dugu. Lehen metroak nahiko aldapatsuak dira. Portxeta baserria ezkerrean eta Andia eskuinean utzita, gora jarraituko dugu.
Bidegurutzea

Arandabarro

0.9 km. Arandabarro etxearen parean eskuinetik Garetza aldera ateratzen den bidea utzita, geurearekin jarraituko dugu.
Bidegurutzea

Egieta

1.4 km. Egieta etxea eta Abeletxerako bidegurutzea pasa eta berehala, eskuinera jaisten den mendi-bidea hartuko dugu.
Bidegunea

Andolako borda

2.3 km. Bideari jarraituta, Iruterdi bidegurutzera iritsiko gara. Tartean Andolako bordaren ondotik zeharkatuko dugu ingurua. Zati honetan pare bat langa gaindituko ditugu: bat bordara iritsi aurretik eta bigarrena, trakets samarra, ondoren.
Bidegurutzea

Iruterdi

2.8 km. Iruterdi izeneko bidegurutzera iritisi gara. Eskuinetik Zarapegi baserrira jaisten den bidea utzita, berriro Zarateko Benta aldera igotzen den errepidea hartuko dugu.
Bidegurutzea

Buztinbailararako bidegurutzea

3.5 km. Zarateko Bentara doan errepidetik gora egin dugu. Ibilibidearen punturik altuenera iritsi gara eta hemen bukatzen dira aldapa gorakoak. Illaratxoetara, Motzanera iritsi aurretik ezkerretik Buztinbailara aldera ateratzen zaigun mendi-bidea hartuko dugu, Erramuaitz mendixkaren magalean zehar.
Bidegunea

Irizibarko borda

3.8 km. Laister Irizibarko bordaren gainkaldetik pasatuko gara, bidean behera. Irizibarko karobira alderako bide-adarraren bila goaz.
Bidegurutzea

Karobiarako bidegurutzea

4.3 km. Zearsoro baserriraino iritsi aurretik, ezker aldera beste bide bat ateratzen zaigu. Adar hori hartuko dugu eta berehala iritsiko gara Irizibarko karobira.
Monumentua

Irizibar karobia

4.5 km. Irizibarko karobira iritsi gara. Zizurkilgo karobirik dotoreena eta osatuena, herrian dugun nekazal munduko ondarerik preziatuenetakoa eta, beraz, kontu handiz zaindu beharreko altxorra. Irizibar baserrikoak, Zizurkilgo Udala, Hernandorena Kultur Elkartea eta Andoaingo Burdina Taldearen lankidetzaren fruitu izan da 2017ko udazkenean burutu den Irizibarko karobiaren txukunketa, zaharberritzea.
Bidegunea

Zearsoro baserria

4.9 km. Irizibarko karobitik atzera itzulita, lehen generaman bidea hartuko dugu. Laister jaitsiko gara Zearsoro baserrira, nekazal turismoko etxea ere dena. Hemen berriro errepidea hartuko dugu eta beherantz jota, pare bat kilometro pasatxo eginda, Herriguneko aparkalekura iritsiko gara.
Monumentua

Irazuazpikoa

5.2 km. Zearsortik behera gatozela, lehendabizi Irazugoikoaren albotik pasatuko gara. Gero Irazuazpiko baserrira iritsiko gara. Zizurkilen bi armarri ditugu: udaletxearen zintzilik dugun zaharra eta etxe honen ormetan ikus daitekeena, 1587koa.
Bidegurutzea

Nekola baserria

6.2 km. Buztinbailaratik behera gatoz. Nekazal ingurua izanik, baserri mordoskaren albotik pasatuko gara. Daramagun bideak beste batekin bat egiten du Nekola baserriaren parean. Geure bideari jarraituz, azken kilometrotxoa eginda, laster iritsiko gara Herrigunera.

1 iruzkina

  • argazkia JuanAizpurua

    JuanAizpurua 14-dic-2020

    Ibilbide hau egin dut  egiaztatua  Ikusi gehiago

    Muy bonito paseo. Mucha parte por asfalto pero sin circulación. A causa de las ultimas lluvias mucho barro por los caminos.

Nahi izanez gero edo ibilbide hau