Kukuarri - Orio

Zirkularra Oriotik barrena. Orioko plazatik Kale Nagusian gora San Martin ermitara joko dugu, eta bertatik behera, autopistaren azpitik pasa, eta gora egingo dugu Igeldora jotzen duten eta orain arte jarraitu ditugun marka zuri-gorriei kasu eginda. Gorago bide hori utzi beharko da Kukuarrira igotzeko, baina hartu beharreko bidea argi adierazita dago. Kukuarri tontorretik antenarako pista aldera joko dugu, eta, behera egiten hasita, Oriora jaisteko bidea ere adierazten duen seinaleari kasu egin eta itsasoaldetik jaitsiko gara aldapa tente samarretatik hondartzaraino.