Lizarrusti-Hirumugarrieta

Ibilbide hau Lizarrusti-Albiasu Urmugaren ibilbidearen lehenengo zatia da. Gu ez ginen iritsi Hirumugarrietako tontorrera baizik eta bere magaletara baina, behin iritsita Hirumugarrietako norantza erakusten duen zutoinera, gailurrera abiatzea eta han itzultzea izango litzateke hoberena.
Lizarrustiko aparkagunean bi aukera daude ibilbidea hasteko. Mapa artean igo norantza adierazten zutoinetara eta hor arantza-alanbre hesiaren ondoan doan zidorrari jarraitu Parketxearen atzetik. Amezketara doan GR/BNren marrak izango dira gure gidaria hein handi batean. Bestea, umeen gunearen ondoan dagoen iturrira joan eta hortik arestian esan dudan zutoinetara abiatu eta bide berbera hartu. Baso heze eta eder batean sartuko gara eta bi aldiz eskuineko norantza hartu ostean hasiko gara igotzen Allekoko maldak. Mugarri batek eta zuhaitz lehor batek erakusten dute tontorreko bidea. Ikuspegi zabala. Basoan sartuz, bide argi barik, itzuliko gara GR/BNra. Beste aukera bat, tontorrera iritsi garen bidetik jaitsi eta GRtik Amezketarantz. Bidea aldaia bihurtzen da eta, jaisten hasi baino metro batzuk lehenago, adi, ezkerretarantz jarraitzen duelako GRak. Laster iritsiko gara Aralarko belazeetara eta Hirumugarrietako mendilerroa ikustera. Aldaia eta bideak tartekatuz, ia beti BNtik, mendi horren norantza erakusten duen idazkunera helduko gara eta bide horretatik tontorrera. itzultzean Aralarko ordokian beste bide batzuk lehenetsi genituen aldaera txiki bat egitearren. Behin Elurzuloetara iritsiak bide beretik, Alleko igo barik, Lizarrustiraino. Albiasutik, Urmugaren ibilbide honen gure bigarren zatia hasten dugunean, Hirumugarrietara igongo gara eta itzultzen hasiko gara.