Oriol Kurtzetako mendatetik

Lurrezko biderik zabalena alde batetara laga eta ezkerretara aldapa haundiagoarekin abiatzen den bidexka hartu behar da. Bidexka hau pinutegi batetan barneratzen da eta tartean behin ezkerretara pista zuri bat ikusi ahal izango dugu. Bideska honetan sartu orduko Udalaitz, Kurtzebarri edota Aloñamendi eta Aizkorri aldea ikus daitezke.

Pinutegia zeharkatu ondoren bidexka bidegurutze batetara ailegatzen da, eta honetan ezkerreko pista hartu behar da.

Pista hau jarraituz bidegurutze berri batetara iristen gara, eta honetan ezkerretara utzi behar dugu honaino igo garen pista zabala eta eskuinetara malda handiagoa duen lur eta harrizko bidexka hartu behar da.

Bidexka jarraituz begiraleku eder batetara iristen da. Hemendik aldapa labur eta gogor bat igo ostean Oriol mendiaren aristaren hegoaldeko puntan kokatuko gara

Behin lepora iritsitakoan pagadi handi baten aurrean kokatzen gara eta Santikurutzeko gainera iristeko eskuinetara dagoen bideskan gora jo behar da, eta honela, metro gutxiren barruan Santikurutzeko baselizara iritsiko gara. Santikutzeko baselizara iristean harrizko bideskan gora jarraitu behar da eta metro gutxiren bueltan Santikurutzeko gaina ikusi ahal izango da eskuinetara. Behin puntu honetan bidezka garbirik ez dagoenez kareharrizko lapiazean gora jo behar dugu metro gautxi batzuk eginez gaina harrapatzeko. Gain honetatik Udalaitz, Kurtzebarri edota Aloñamendi aurrez aurre ikusiko ditugu.

Hemendik Orixolera joateko basoan behera jo behar da aurretik Santikurutzera igotzeko utzi dugun bideska berreskuratzeko. Behin bideskara bueltatzean marra zuri eta gorriz ondo markaturik dagoen bidea jarraitu behar dugu pagadi zabal bat zeharkatuz, udazkenean orbelez betea egon ohi dena.

Ondo markaturik dagoen pagadian aurrera eginez Orixol tontorrera igotzeko azken bidegurutzera iristen gara, honetan eskuinetara hartu eta dagoeneko bistan izango dugu gailurra