Denbora  21 egun 14 ordu 14 minutu

Koordenatuak 672

Noiz igoa 19 de enero de 2019

Noiz egina enero 2019

-
-
293 m
31 m
0
2,5
4,9
9,85 km

Bisitak 70, kokapena 4

Nondik gertu Ubare, País Vasco (España)

Hamar bat kilometro dituen ibilibide polit honek Elbarrenako Joxe Arregi plazan du abiapuntua. Asteasura doan bidegorria hartuta, Akezkoerrota eta Burrustidiko zubia pasatukoa ditugu. Ugarte baserriaren parean sartuko gara Asteasuko lurretan. Martxetaundi baserrian bidegorria utzi eta etxe aurretik doan hormigoizko bideari jarraituko diogu. Eizmendi baserriaren aurretik jarraituta Sarasola sagardotegi ingurura azalduko gara. Errepidetik Anoetarako bidegurutzea utzi eta Fraisoro aldera hartuko dugu. Berehala eskuinera joko dugu, Basagaineko Burdin Aroko herrixka bisitatzeko.
Beherakoan Ateaga dorretxetik eta Laumugarrietatik (Zizurkil, Villabona, Asteasu eta Anoetako mugarria) basora sartuko gara. Gurdibide polit bati jarraituz Asteasuko bidegorrira jaitsiko gara berriro, Burrustidiko zubiaren parean. Hortik bidegorritik atzera egingo dugu Elbarrenako Joxe Arregi plazaraino, gure ibilbidearen abiapuntu zena.
parquing

00-Hasiera-Amaiera

0 km. Ibilbidea Zizurkilgo Joxe Arregi plazan hasten da. Hor, Arantzazuko Ama Birjinaren elizaren albotik pasa eta gero, Danena futbol zelaia ikusiko dugu parez-pare. Haren ezkerretik abiatzen da guk hartu behar dugun Asteasu alderako bidegorria.
Intersection

01-Martxetaundi

2.5 km. Asteasuko bidegorritik Martxetaundi baserrira iritsiko gara. Etxe aurretik ateratzen den hormigoizko pista hartu eta gora joko dugu.
Waypoint

02-Eizmendi

2.9 km. Martxetaunditik gora Eizmendi baserrira iritsiko gara. Pistak etxea bildu eta jarraitzen du. Metro gutxi barru hormigoia etxe baten sarreran amaitzen da. Eskuineko gurdi-bidetik jarraituko dugu.
Intersection

03-Sarasola ingurua

3.7 km. Gurdi-bidea amaituta, Sarasola aldera igotzen den errepidearekin bat egingo dugu. Tarte bat bere gainean egingo dugu. Laster Asteasu utzi eta Anoetako lurretan sartuko gara.
Intersection

04-Anoetarako bidegurutzea

5.1 km. Sarasola sagardotegitik metro gutxi eginda, Asteasutik irten eta Anoetako Udalerrian sartuko gara. Gainez-gain kilometro pasatxoa egin eta gero, Asunibar baserriaren ondoan, Anoetara jaisten den bidegurutzera iritsiko gara. Gure bidea ezkerretik gora jarraitzen duena da. Aldapa motza baina pikua.
Waypoint

05-Basagainerako bidegurutzea

5.3 km. Hormigoizko pistatik igota, laster iritsiko gara eskuineko basoan ateratzen den gurdi-bide batera. Agian zikin samarra egon daiteke baina hemendik jarraituko dugu Basagain tontorrera igo arte.
hondakin arkeologikoak

06-Basagain

5.8 km. Burdin Aroko Basagaingo herrixka gotortuaren gune arkeologikora iritsi gara. Han-hemenka dauden paneletan hango berri jaso dezakegu.
Intersection

07-Basaginetik behera

6.1 km. Ekialdeko maldatik jaitsiko gara metro gutxi batzuek. Laster iritsiko gara Villabona edo Ateagara jotzeko bidegurutzera. Guk azken hau hartuko dugu, ezkerrera jotzen duena.
Intersection

08-Ateaga inguruan

6.7 km. Anoetan jarraitzen dugu. Basagainetik jaitsita, errepidea hartuko dugu berriro Ateaga inguruan. Aurrrera jarraituta, berehala ikusiko dugu karobi bat. XVII. mendeko Ateaga dorretxe barrokoaren albotik pasatuko gara.
Waypoint

09--Laumugarrieta

7.2 km. Laumugarrietara iritsiko gara, Zalberro parajean. Izenak dioen bezala, lau udalerrik egiten dute muga puntu honetan: Zizurkil, Asteasu, Anoeta eta Villabona. Bidearen eskuin aldean mugarria ikusiko dugu eta, beste aldean, Muga Ranch zalditegia. Aurrera jarraituko dugu.
Waypoint

10-Bidegurutzea Barbera

7.4 km. Berehala iritsiko gara Barbeko txabolaren aldera doan bidera. Errepidea utzi eta hortik abiatuko gara.
Waypoint

11-Barbetik behera

7.7 km. Villabona utzi eta Zizurkilen sartu gara. Barberen txabolaren itxitura bukatzen den puntuan, langatxo bat pasata, eskuinera joko dugu, ipar-ekialdera eta basoan sartzen den bide-zidor txiki batetik jarraituko dugu.
Intersection

12-Bidegurutzea ezkerrera

8.0 km. Barberen txabolatik jaitsita, laster iritsiko gara bidegurutze batera. Ezkerretik jaisten den aldera joko dugu. Berehala zeharkatuko dugun itxitura gaineko langa batera iritsiko gara. Aurrerago beste langa batzuek ere pasa beharko ditugu gainetik.
Ibai

13-Mugarriko langa

8.4 km. Beste langa batera iritsi gara, Burrustidi errekastoaren alboan. Ondoan Villabona eta Zizurkilgo udalerrien arteko mugarria dugu. Errekaren eskuin aldeko albotik jarraituko dugu, gorakako bidea hartu gabe. Aurrerago ere langaren bat goitik pasa beharko dugu.
Intersection

14-Bidegurutzea eta langa

8.6 km. Ur deposito txiki bat ikusiko dugu bidearen alboan. Berehala iritsiko gara bidegurutze batera: errekaren albotik jarraitu, gora hartu gabe. Langak pasatzen jarraitzen dugu.
Intersection

15-Burrustidi aldean

8.8 km. Basoko bidea amaitzen ari zaigu. Bat egingo dugu Asteasu eta Zizurkil arteko bidegorriarekin. Etorritako bidetik itzulita, laster gaude berriro abiapuntuan, Elbarrenako Joxe Arregi plazan.

Kokapenaren inguruko iritzi eta galderak

    Nahi izanezkero edo ibilbide hau