Jaitsi

Luzera

8,12 km

Desnibel positiboa

353 m

Zailtasun maila

Erraza

Desnibel negatiboa

353 m

Gehieneko garaiera

456 m

Trailrank

54 4,5

Gutxieneko garaiera

193 m

Ibilbide mota

Zirkularrak

Iraupena

2 ordu 48 minutu

Koordenatuak

1074

Noiz igoa

6 de enero de 2017

Noiz egina

enero 2017
  • Balorazioa

     
  • Informazioa

     
  • Erraza jarraitzeko

     
  • Ingurunea

     
Izan zaitez lehena txalotzen
2 iritzi
 
Elkarbanatu
-
-
456 m
193 m
8,12 km

Ikusita 1331 aldiz, jaitsita 61 aldiz

Nondik gertu: Urdaneta, País Vasco (España)

Altzolatik oso gertu dagoen Urdaneta auzoan eman diogu hasiera ibilaldi zirkular eta erraz honi. Auzoa, San Martin elizaren inguruan biltzen diren etxe batzuk osatzen dute eta esan behar da, orain gutxi arte ez zuela errepiderik eta Alameda markesaren jabegokoa zen auzoa herri txiki bat balitz bezala funtzionatzen zuela. Gaur egun, Aiako lurretan dagoen auzo honetara Zarautzetik barrena iritsi daiteke bertaraino igotzen den errepidetik.
Kotxea kanposantu txikiaren aurrean laga eta etorritako errepidetik atzera egin dugu kilometro erdia, Indate Berri landetxeraino igoz. Kanpo aldean animalia mota desberdin asko dituen etxaldea pasa eta berehala errepidea utzi dugu ezker aldetik Txatxarromendi inguratzen duen pista zabala hartuz. Pistan barrena segituz, laster xenda bihurtu eta poliki hasi gara altuera galtzen basoan murgilduz. Bidea erosoa gertatu zaigu eta konturatu orduko Elkano auzoaren sarreran gara.
Elkano Zarautzko auzoa da, Indamendiren magalean kokatzen da herrigunetik urrun. Bertaratzean, berehala ikusi dugu Erdi Aroko San Pedro baseliza, 1025 urtean eraikia. Sarrerako atea XIV. Mendekoa da eta gotiko estiloan dago egina. Erretaularik ez izan arren, bertan dago hilzorian agertzen den Kristoren irudia alboetara Gure Amaren eta San Pedroren taillak agertzen direlarik.1989 urtean zaharberritze lanak burutu zituzten. Luis Pedro Peña Santiago etnologoak baseliza honen eraikitze lanen inguruan kondaira bat jaso zuen. Elkano-Bitarte baserriko Joxe Antonio Manterola kontatutakoaren arabera, hiru gizonezko sorginek gau bakar batean eraiki omen zuten. Sorgin hauetako bat maingua zenez, “Kojua” ezizena zuen. Sorgin hauetako batek Garate menditik harriak Arbastañaundi kokalekura jaurtikitzen omen zituen, bertan Kojuak jaso eta Elkanora jaurtikiz, han hirugarren sorginak eliza eraikitzen zuen bitartean.
Elkano auzoa atzean utzi eta Meagas aldera jaisten den errepidean barrena beste kilometro erdi bat bete dugu XVI. mendekoa den Santa Kruz baselizaren ondora iritsi arte. Oin angeluzuzena duen baseliza honek bi isuriko estalkia eta kanpandorre txiki bat du eta bere fatxada berezia da oso, erronboide-formako egurrezko balaustre sare batez osatuta dago. Ermitak estalpea ematen dio Kristo Santuari. Baselizaren ezker aldetik zabaltzen den bide nabarmenetik Indamendi aldera jo dugu. Hasierako bide laua, laster bihurtu zaigu aldapa pikoa eta gainditu ostean, tontorrean dagoen gurutze handi baten ondora iritsi gara. Gailurrean, Aia, Zestoa eta Aizarnazabalgo lurrek bat egiten dute.
462 metroko garaiera duen mendiaren gandorrean aurrera segituz, Agiñetazar muinoa pasa eta Aierdimusu edo Hirumugarrieta lepora jaitsi gara. Segidan, aurrez-aurre ikusi dugun Txatxarromendira igotzeko azken aldapari ekin diogu. Tontorrera heltzean, burdinazko gurutze artistiko bat ikusi dugu. Gertu dugu Indate Berri landetxearen ondoko mendatea eta maldan behera erraz jaitsi gara bertara. Abiapuntura itzultzeko, errepidean zehar beste kilometro erdi bat bete dugu.


Klikatu hemen ARGAZKIAK ikusteko
http://askemikel.blogspot.com.es/2017/01/blog-post.html
Bidegunea

Urdaneta

Bidegunea

Elkano

Bidegunea

Santa Kruz ermita

Bidegunea

Indamendi gurutzea

Bidegunea

Indamendi erpin geodesikoa

Bidegunea

Aierdimusu lepoa

Bidegunea

Txatxarromendi

Bidegunea

Urdaneta

Bidegunea

Urdaneta

Urdaneta
Bidegunea

Elkano

Elkano
Bidegunea

Santa Kruz ermita

Santa Kruz ermita
Bidegunea

Indamendi gurutzea

Indamendi gurutzea
Bidegunea

Indamendi erpin geodesikoa

Indamendi erpin geodesikoa
Bidegunea

Aierdimusu lepoa

Aierdimusu lepoa
Bidegunea

Txatxarromendi

Txatxarromendi
Bidegunea

Urdaneta

Urdaneta

2 iritzi

  • Juanjo Arrospide 8 ene. 2019

    Gaur, 2019-01-08, egin dugu ibilbide hau. Ederra iruditu zaigu, Zarautz, Zumaia zein itsaso zabala batetik eta Urola arroilan Izarraitz nagusituz bestetik. Urdaneta eta batez ere Elkanoko baseliza zaharrak ere merezi izan dute. Eskerrik asko Mikel, hemen ipintzeagatik.
    Juanjo Arrospide

  • argazkia karbide

    karbide 2 abr. 2021

    Ibilbide hau egin dut  egiaztatua  Ikusi gehiago

    Paseo ederra!
    Mila esker

Nahi izanez gero edo ibilbide hau